Breska varnarmálaráðuneytið birti daglega stöðuskýrslu sína um gang stríðsins í Úkraínu fyrir stundu. Þar kemur fram að svo virðist sem Úkraínumenn hafi náð ákveðnum árangri í sókn sinni í Kherson.
Segir ráðuneytið að þeim hafi tekist að skemma að minnsta kosti þrjár brýr með langdrægum vopnum sínum. Þetta eru brýr yfir ána Dnipro sem Rússar hafa notað til að flytja aðföng til þeirra svæða sem þeir hafa á sínu valdi.
Í stöðuskýrslunni kemur fram að borgin Kherson, sem er mjög mikilvæg hernaðarlega séð vegna staðsetningar sinnar, sé nær algjörlega einangruð frá öðrum svæðum sem Rússar hafa á valdi sínu.
https://twitter.com/DefenceHQ/status/1552526084821893120?ref_src=twsrc%5Etfw%7Ctwcamp%5Etweetembed%7Ctwterm%5E1552526084821893120%7Ctwgr%5E%7Ctwcon%5Es1_&ref_url=https%3A%2F%2Fpublish.twitter.com%2F%3Fquery%3Dhttps3A2F2Ftwitter.com2FDefenceHQ2Fstatus2F1552526084821893120widget%3DTweet
