Manchester United er úr leik í enska deildarbikarnum eftir 3-2 tap gegn Brighton á Old Trafford.
United byrjaði af krafti og komst í 2-0 á fyrstu tíu mínútunum. Shea Lacey skoraði á 8. mínútu og Mason Mount bætti öðru marki við tveimur mínútum síðar.
Brighton svaraði hins vegar fyrir hlé þegar Charalampos Kostoulas minnkaði muninn. Pascal Groß jafnaði síðan á 65. mínútu og Maxim De Cuyper fullkomnaði viðsnúninginn fimm mínútum síðar.
Aston Villa tryggði sér sæti í næstu umferð með 3-1 sigri á Coventry. Tammy Abraham skoraði tvívegis fyrir Villa og Ross Barkley eitt mark. Victor Torp skoraði mark Coventry.
Fleetwood Town gerði sér þá lítið fyrir og sló Sheffield United út með 1-0 sigri. Sjálfsmark Rhys Norrington-Davies réð úrslitum.
Everton fór einnig áfram eftir 1-0 sigur á Wolves. Carlos Alcaraz skoraði eina mark leiksins á 80. mínútu.
