Sextán stuðningsmenn Roma hafa verið settir í bann frá knattspyrnuleikvöngum á Ítalíu eftir að hafa heilsað að hætti fasista á leik liðsins gegn Atalanta á dögunum.
Atvikið átti sér stað í Curva Sud, stúku hörðustu stuðningsmanna Roma, í 2-1 sigri liðsins í byrjun þessa mánaðar.
Stuðningsmennirnir sextán hafa verið dæmdir í eins til fimm ára leikvangabann. Bannið nær einnig til leikja Roma erlendis og landsleikja Ítalíu en fjórir þeirra þurfa jafnframt að gefa sig fram við lögreglu þegar Roma spilar.
