Foreldrum Diogo Jota, Isabel og Joaquim Silva, var boðið sem heiðursgestum af portúgalska knattspyrnusambandinu. Jota og bróðir hans, André Silva, létust með sviplegum hætti í bílslysi á síðasta ári og var þeirra minnst fyrir leikinn.
Þegar þjóðsöngvar liðanna voru leiknir birtist mynd af Jota á risaskjám vallarins. Myndavélar náðu jafnframt til foreldra hans í stúkunni þar sem tilfinningarnar voru augljósar á þessari erfiðu stund.
Jota lék 49 landsleiki fyrir Portúgal og skoraði fjölda mikilvægra marka fyrir þjóð sína. Hann vann Þjóðadeild UEFA tvívegis með portúgalska landsliðinu og var einn af lykilmönnum þess um árabil.
Talið er líklegt að Jota hefði verið í landsliðshópnum á þessu Heimsmeistaramóti ef örlögin hefðu ekki gripið inn í. Hann missti af HM árið 2022 vegna meiðsla en var áfram stór hluti af framtíðaráformum landsliðsins. Minningarathöfnin vakti mikla athygli og snerti marga stuðningsmenn Portúgals.
