Halla Björg Björnsdóttir heldur úti vinsælli Instagram-síðu þar sem hún deilir einföldum og ljúffengum ketó uppskriftum.
„Veitingarhúsið Ítalía er stofnun í Reykjavík og réttur 13 er minn uppáhalds á matseðlinum og eflaust annarra,“ segir Halla Björg og deilir hennar útgáfu af réttinum.
Hráefni:
Ein askja af sveppum sneiddir
25 grömm smjör
2-3 hvítlauksgeirar
¼ peli rjómi
1 teningur sveppakraftur
Eitt bréf skinka skorin langsum
Salt og pipar
Einn kúrbítur krullaður
Aðferð:
Mýkja sveppi og hvítlauk (nota hvítlaukspressu) í smjörinu, mylja kraftinn út í og skinkunni síðan bætt saman við. Smá salt og pipar.
Þá er það rjóminn og þetta hitað saman.
Kúrbíturinn krullaður í skál og sósunni hellt heitri yfir.
Þetta er þá tilbúið og má bera fram með parmesan og svörtum pipar.
Tilvalinn sumarréttur sem bráðnar í munni.
