Atletico Madrid skaut á Barcelona á samfélagsmiðlum í dag eftir að hafa slegið þá út í 8-liða úrslitum Meistaradeildarinnar í gær.
Barcelona vann seinni leik liðanna í Madríd 1-2 en Atletico vann samanlagt 3-2. Börsungar eru brjálaðir yfir dómgæslunni í báðum leikjum og kvörtuðu þá sáran yfir lengd grassins á vellinum í gær.
Atletico brást við því með færslu í morgun. „Við elskum lyktina af nýslegnu grasi á morgnana,“ stóð þar ásamt mynd af vallarfletinum.
Þetta má sjá hér að neðan.
Nos encanta el olor a césped recién cortado por la mañana. pic.twitter.com/TnPMHJq2ro
— Atlético de Madrid (@Atleti) April 15, 2026
