Julien Laurens, blaðamaður hjá BBC, efast um að Frank Lampard sé nógu góður stjóri fyrir ensku úrvalsdeildina eftir erfiða byrjun Coventry.
Coventry vann B-deildina með yfirburðum á síðasta tímabili en hefur tapað fyrstu fjórum leikjum sínum í úrvalsdeildinni án þess að skora mark.
„Ég veit ekki hvort Frank Lampard sé nógu góður fyrir úrvalsdeildina. Miðað við það sem ég hef séð gæti hann verið mjög góður stjóri í B-deildinni en einfaldlega ekki tilbúinn í næsta skref,“ sagði Laurens.
Coventry eyddi töluverðum fjárhæðum í sumar en hefur farið mun verr af stað en hinir nýliðarnir, Hull og Ipswich.
„Þetta er gríðarlega mikilvægt tímabil fyrir Lampard. Gengi hans í úrvalsdeildinni hefur ekki verið nógu gott hingað til, fyrir utan fyrsta tímabilið hjá Chelsea.“
Lampard hefur áður stýrt Chelsea og Everton í ensku úrvalsdeildinni.
