Það hefur tekið verulega á að fylgjast með afbökunum og útúrsnúningum nei-sinna í ofsafenginni kosningabaráttu þeirra. Pistlahöfundur hugsaði um tíma með sér að það væri langt síðan hún hefði horft upp á annað eins. Maður getur verið svo fljótur að gleyma. 

Fyrir ári voru margir með böggum hildar yfir því að íslenskur sjávarútvegur væri að falli kominn og að leiðrétting ríkisstjórnarinnar á veiðigjöldum kynni að vera kornið sem fyllti mælinn.