Fyrir Evrópusinnaða Íslendinga sem vilja aukna samkeppni á kostnað samráðs, og vexti og verðlag að skapi alþýðu og atvinnulífs, eru úrslit þjóðaratkvæðagreiðslunnar um síðustu helgi nokkur uppörvun. Meirihluti fyrir aðildarviðræðum er augljóslega handan við hornið. Og nú er líka ljóst hvað lítið vantar upp á til að hefja aðildarviðræður á nýjan leik.

RÚV skýrði frá því á sunnudagsmorgninum að tveir evrópskir flokksleiðtogar hafi óskað Íslendingum til hamingju með niðurstöður þjóðaratkvæðagreiðslunnar um ESB.

Það voru Nigel Farage og Marine Le Pen.

Hann var þingmaður á Evrópuþinginu í tvo áratugi og hún í 13 ár. Bæði brutu reglur þingsins um meðferð fjármuna og sættu rannsókn.