Það dregst nokkuð úr áhuga og væntingum þjóðarinnar á íslenska karlalandsliðinu í handbolta milli ára.

Þetta kemur fram í könnun Maskínu. 33 prósent landsmanna hafa miklar væntingar til Strákanna okkar á HM, samanborið við 37 prósent í fyrra og 58 prósent 2023.

Það spá því þó flestir, eða 33 prósent, að íslenska liðið hafni í 4-6. sæti. Það var einnig tilfellið síðustu tvö ár en þá höfðu fleiri trú á að Ísland næði verðlaunasæti.

Aðeins 18 prósent landsmanna ætla að horfa á alla leiki Íslands. Flestir ætla að horfa á suma leiki eða 33 prósent.

Hér að neðan má sjá niðurstöðurnar í heild.