Albanska knatt­spyrnu­fé­lagið Vllaznia sakar íslenska fjölmiðla meðal annars um lygar í yfirlýsingu sem það gaf út í kjölfar fréttaflutnings eftir fyrri leik liðsins við Val í Sambandsdeildinni hér heima á fimmtudag.

Stuðningsmenn, starfsfólk og háttsettir einstaklingar Vllaznia létu öllum illum látum á leiknum, sem lauk 2-2. Það var hrækt á dómara, hann sleginn, öryggisvörður kýldur og hvað eina. Þá var stuðningsmönnum, stjórnarmönnum, leikmönnum og öðrum sem tengjast Val hótað.

Meira
Sláandi uppákoma að Hlíðarenda náðist á myndband – Líflátshótanir og lögregla kölluð til

„Und­an­farna daga hafa marg­ir ís­lensk­ir fjöl­miðlar birt niðrandi og rang­ar frétt­ir um Vllaznia og stuðnings­menn fé­lags­ins. Íslensk­ir fjöl­miðlar og Val­ur ættu að þegja, því stuðnings­menn and­stæðing­anna eru alltaf vel­komn­ir og við tök­um vel á móti þeim,“ seg­ir til að mynda í yfirlýsingunni, sem mbl.is vekur fyrst athygli á hér heima.

Seinni leikur liðanna fer fram á fimmtudag og verður leikinn í Albaníu þrátt fyrir öll lætin í fyrri leiknum, eins og fram kom á 433.is í gær.

Meira
Fá að spila heimaleikinn gegn Val í Albaníu þrátt fyrir lætin á Hlíðarenda