Fyrrum landsliðsmaðurinn og nú landsliðsþjálfarinn Snorri Steinn Guðjónsson var gestur í nýjasta þætti Íþróttavikunnar. Helgi Fannar Sigurðsson og Hrafnkell Freyr Ágústsson hafa umsjón með þættinum.
Nú styttist í næsta stórmót hjá Strákunum okkar en HM í Þýskalandi er í janúar. Snorri var spurður að því hvernig honum litist á mótið og markmið Íslands.
„Við þurfum helst að vinna riðilinn. Við skulum bara segja það hreint út. Það er alveg gerlegt en það er líka alveg gerlegt að klúðra því,“ sagði Snorri en Ísland er með Ungverjalandi, Serbíu og Svartfjallalandi í riðli á mótinu.
„Yfirleitt fara þrjú lið upp úr riðlinum en nú eru það bara tvö. Það er enn þá meira svigrúm til að misstíga sig.
Ég hef þá trú á liðinu að ef við erum góðir og spilum góðan leik séum við betri en þessar þjóðir og vinnum þær.“
Umræðan í heild er í spilaranum.