Arnar Grétarsson, þjálfari Bestu deildar liðs Vals var gestur í nýjasta hlaðvarpsþætti Valsmanna, Vængjum þöndum. Þar fór Arnar, sem er að fara inn í sitt fyrsta tímabil sem þjálfari Vals, yfir undirbúningstímabilið til þessa sem og lagði hann línurnar fyrir komandi tímabil.
„Það er alveg klárt hvert við stefnum, við ætlum okkur að keppa um báðar dollurnar og vitum alveg að það er smá brekka,“ sagði Arnar um markmið Vals í saumr.
Þó svo að miklar breytingar hafi orðið á leikmannahópi liðsins er staðan góð hjá Val, Arnar segir allt á rétti leið.
„Þetta verður áskorun en aðalatriðið fyrir okkur er að byrja vel í mótinu, það myndi hjálpa okkur mikið vegna þess að ég veit að við eigum eftir að verða sterkari eftir því sem líður á mótið. Ef við náum í stig í fyrstu leikjunum, þá held ég að við verðum ansi öflugir.“
Hlusta má á viðtalið við Arnar Grétarsson, þjálfara Vals í hlaðvarpsþættinum Vængjum þöndum, í heild sinni hér fyrir neðan:
