Guðni Bergsson, hefur fengið að finna fyrir því á samfélagsmiðlum eftir að Þórhildur Gyða Arnardóttir steig fram í fréttum RÚV í kvöld og greindi frá því að áreið 2017 hafi þekktur landsliðsmaður áreitt hana kynferðislega og ráðist svo á hana, og sagði að Guðna og KSÍ hafi verið vel kunnugt um málið.
Fréttastofa RÚV ræddi aftur við Guðna í kvöld í ljósi frásagnar Þórhildar og spurði hvernig stæði á því að hann hafi í gær sagt að engin tilkynning hafi borist sambandinu um kynferðisbrot landsliðsmanna.
Guðni baðst velvirðingar og sagði að hann hefði talið að mál Þórhildar varði ofbeldi en ekki áttað sig á að um kynferðisbrot hafi verið að ræða.
„Lygaþvæla Guðna Bergssonar í sjónvarpinu áðan var einhver aumasta frammistaða valdamanns í vanda sem ég hef séð lengi,“ skrifar Illugi Jökulsson, rithöfundar, á Facebook.
Viðbrögðin hafa heldur ekki látið á sér standa á Twitter þar sem netverjar eiga vart orð yfir framkomu KSÍ, sem og formannsins, Guðna, í málinu.
Viðbrögðin hafa heldur ekki látið á sér standa á Twitter þar sem netverjar eiga vart orð yfir framkomu KSÍ og telja margir að nú sé rétt hjá Guðna að stíga til hliðar sem formaður.
Ruglaðasta sem ég hef lesið án gríns. pic.twitter.com/6QlVxd1JJL
— Daníel Ólafsson (@danielolafsson) August 27, 2021
Hey! Hann vissi ekki að þetta væri kynferðisbrot! Hann hélt að hann hefði BARA tekið hana hálstaki og áverkað hqna til 3ja vikna. Það er ekki brottrekstrarsök. Obviously!#GuðniÚt
— Snorri Valsson (@snorval) August 27, 2021
Allt annað en afsögn hjá Guðna eftir að hafa logið að þjóðinni veldur bara enn meiri skaða
— Örn Arnarson (@Fuglinn) August 27, 2021
Íþróttafréttakonan Edda Sif Pálsdóttir segir undarlega fylgni milli þess að setja upp fokk ofbeldi-húfu og vera réttlætisriddari í sumum málum en í öðrum að bókstaflega styðja gerendur.
Það er einhver undarleg fylgni milli þess að setja upp Fokk ofbeldi-húfu og vera réttlætisriddari í sumum málum en bókstaflega styðja og taka afstöðu með geranda í öðrum 🧐
— Edda Sif Pálsdóttir (@EddaSifPalsd) August 27, 2021
Það er nokkuð ljóst að Guðni Bergsson, formaður, og Klara Bjartmarz, framkvæmdarstjóri, þurfa að segja af sér. Að þetta hafi verið látið viðgangast er hneyksli og mun, nei, þarf að hafa afleiðingar. https://t.co/tg1qqmttF3
— Höllin er úrelt (@Nyjahollstrax) August 27, 2021
Get bara ekki orða bundist! Þetta yfirklór hjá Guðna Bergssyni formanni KSÍ er bæði svo aumingjalegt og ótrúverðugt að það er eiginlega hlægilegt – ef málið væri ekki svona alvarlegt. Hún @torii_96 er hetja en Guðni er búinn að vera. Núna þarf að hreinsa ærlega til hjá KSÍ.
— Valur Sæmundsson (@valurs) August 27, 2021
„Mig minnti að þetta brot hefði verið ofbeldisbrot og ekki af kynferðislegum toga,“ segir Guðni, sem fær hundruði tilkynninga um ofbeldisbrot inná borð til sín á hverjum degi. Auðvitað man hann ekki nákvæmlega allt sem kemur fram í þeim! HANN ER NÚ EINU SINNI LÖGREGLUSTJÓRI!!!
— Arnar Pétursson (@arnarpeters) August 27, 2021
Forysta KSÍ tapaði og það er ekki annað í stöðunni en að hún fari af velli og inn á komi aðilar sem ætla að gera betur. Aðilar sem vita að ofbeldi er ekki liðið. Aðilar sem ætla loksins að breyta leiknum! 🎆
— Sema Erla (@semaerla) August 27, 2021
Ég sé ekki hvernig Guðni Bergsson getur haldið áfram hjá KSÍ. https://t.co/pTdfX0IYUv
— Kjartan Valgardsson 🌹💪🏽🔴 (@kjarval_kjartan) August 27, 2021
Algjör hetja! ✊✊✊
En @gudnibergs mà segja af sér strax, ömurlegt pólitískt yfirklór og óvirðing við alla þolendur. pic.twitter.com/E9WvHc96Zq
— Ingi Bekk (@ingibekk) August 27, 2021
Fótbolti eins og við þekkjum hann er uppbyggður og gegnsýrður af feðraveldinu. Eitruð karlmennska, kynferðisofbeldi, heimilisofbeldi og útskúfun kvenna og annarra kynja fjárhagslega og samfélagslega. Það þarf alþjóðlega byltingu til að gera eina vinsælustu íþrótt heims boðlega.
— 🇵🇸 Tinna, öfgafemínisti 💥 (@tinnaharalds) August 27, 2021
Ókei þannig, Guðni, þurfum að fá nokkra hluti á hreint.
Ofbeldisbrot sem eru ekki af "kynferðislegum toga", eru í lagi hjá KSÍ?
Er það að grípa í klof einhvers ekki ofbeldi af kynferðislegum toga? Eða er það tekið út fyrir sviga af því að líkamsárásin á sér stað seinna?— 🇵🇸 Tinna, öfgafemínisti 💥 (@tinnaharalds) August 27, 2021
Þagnarskyldusamningur er nýyrði sem er ömurlegt að sjá í umræðunni um ofbeldismál. Og án þess að nokkuð sé komið fram um það enn, þá hafa sambærileg dæmi hér í USA sýnt að slíkt er sjaldan einsdæmi hjá þeim sem vilja þagga slík mál heldur kerfisbundin aðferð.
— Birna Anna (@birnaanna) August 27, 2021
„Rétt er þó að ítreka að KSÍ gerir engar tilraunir til að þagga niður ofbeldismál eða hylma yfir með gerendum. Dylgjum um slíkt er alfarið vísað á bug.”
-Úr yfirlýsingu KSÍ frá 17. ágúst (fyrir 10 dögum)Þetta eru ekki „mistök”
Þetta er haugalygi.
— Helgi Seljan (@helgiseljan) August 27, 2021
Aktívistahóparnir Öfgar og Bleiki fíllinn hafa sent frá sér yfirlýsingu vegna málsins þar sem spurt er hvort KSÍ ætli að biðjast afsökunar.
„Nú eru eflaust mörg hugsi eftir Kastljós gærdagsins og fréttatíma kvöldsins þar sem formaður KSÍ varð uppvís að því að segja ósatt.
Formaður KSÍ biðst velvirðingar á að hafa ekki sagt satt og rétt frá. Hvar er afsökunarbeiðnin? Af hverju bað hann Hönnu Björgu ekki afsökunar á að hafa sagt hana ljúga? Af hverju er hann ekki búinn að biðja þolendur afsökunar?
Þegar orð eins og þagnarskyldusamningur koma upp þá spyr fólk sig eflaust, „hvers vegna þagnarskylda“ Hver er ástæðan fyrir því að slíkir samningar tíðkist innan KSÍ?
Ný hlýtur Guðni að vera að íhuga það alvarlega að segja af sér sem formaður KSÍ og við skorum á hann að gera það. Það sjá öll í gegnum öll vel meintu (og vel sömdu) orðin sem hann lét falla í fjölmiðlum því það voru bara innantóm orð.
Einnig skorum við á stjórn KSÍ að taka mark á þolendum, trúa þeim og taka með þeim skýra afstöðu.
Við í Öfgum og Bleika fílnum vitum kannski ekki mikið um fótbolta en við erum tilbúnar að aðstoða KSÍ við að standa með þolendum og að hjálpa þeim að móta skýra stefnu á móti ofbeldi.
Þrjátíu þúsund iðkendum fylgir mikil ábyrg.
KSÍ – boltinn er hjá ykkur.“
