Lögreglan á höfuðborgarsvæðinu er að klára rannsókn á máli Phil Foden og Mason Greenwood sem brutu reglum um sóttkví hér á landi í gær. Ensku landsliðsmennirnir fengu tvær íslenskar stúlkur á hótel sitt, þeir voru reknir úr enska landsliðinu í dag vegna atviksins.

Konurnar fóru á Hótel Sögu þar sem enska landsliðið dvaldi, fyrst um sinn var aðeins önnur konan að fara að hitta Mason Greenwood. Henni var skutlað af vinkonu sinni sem snéri við þegar hún var á heimleið þar sem leikmaðurinn Phil Foden hafði áhuga á að hitta hana.

Meira:
Enskir landsliðsmenn brutu reglur hér á landi í gær – Fengu íslenskar stúlkur upp á hótel

Konurnar fóru ekki inn á herbergi leikmannanna heldur var búið að bóka tvö önnur herbergi þar sem þeir gátu hitt íslensku konurnar. Rögnvaldur Ólafsson yfirlögregluþjónn segir málið langt komið en býst ekki við að íþróttir þurfi harðari reglur í kringum leiki vegna atviksins.

Lið sem koma hér til landsins geta aðeins farið á æfingu eða leiki og eiga svo að vera á hóteli sínu, þeim er bannað að hitta aðra einstaklinga en þá sem eru með í ferðalaginu. Leikmaður mætti meðal annars ekki hitta fjölskyldu sína, þessar reglur brutu drengirnir tveir.

„Þetta mál er til rannsóknar hjá lögreglunni á höfuðborgarsvæðinu, það er langt komið. Því lýkur því fljótlega, það þarf meiri reynslu á þetta fyrirkomulag á íþróttunum áður en farið er í breytingar á sóttvarnareglum,“ sagði Rögnvaldur Ólafsson yfirlögregluþjónn.

Þórólfur Guðnason sóttvarnalæknir sló á létta strengi vegna málsins. ,,Ég var að frétta af þessu áðan, mín fyrstu viðbrögð að það ætti að ógilda úrslitin í leiknum og úrskurða sigur okkar megin. Öllu gamni slepptu, það þarf að skoða þetta mjög vel. Þetta er klárlega brot á sóttkví

Meira:
Enskir landsliðsmenn brutu reglur hér á landi í gær – Fengu íslenskar stúlkur upp á hótel