Halldór Halldórsson, betur þekktur sem Dóri DNA, er kokhraustur fyrir leik Íslands og Argentínu á HM þann 16. júní næstkomandi.
Dóri veðjaði nefnilega 800 evrum, um hundrað þúsund krónum, á að Ísland myndi hafa betur gegn Lionel Messi og félögum.
„Þið hélduð að ég væri að fokkast. Aleigan komin á þetta.. 800 euros. Ég er dramatúrg, það er nánast eins að vera skyggn. Annað hvort trúir maður á söguhetjuna í þessu ævintýri eða maður fer til helvítis. 9200 euros munu lenda í fangi mínu. 40 kassar af náttúruvíni eða pels EASY,“ sagði Dóri á Twitter en 9.200 evrur eru 1.140 þúsund krónur.
Dóri virtist síðar hafa séð örlítið eftir veðmálinu. „Ok það virðist ekki vera hægt að taka þetta til baka. FAKK,“ sagði hann og bætti síðar við að hann væri „mjög lítill“ núna. Dóri virðist síðar hafa áttað sig á því að um gott veðmál væri að ræða – 9.200 evrur væru sannarlega á leiðinni til hans.
Í samtali við Nútímann segir Dóri að hann verði á leiknum og voni sannarlega það besta, enda ekkert víst að Ísland komist aftur á HM.
En hvað ætlar hann að gera ef Ísland vinnur?
„Ég fer í Louis Vuitton á Rauða torginu og kaupi mér eitthvað fallegt.“
Þið hélduð að ég væri að fokkast. Aleigan komin á þetta.. 800 euros. Ég er dramatúrg, það er nánast eins að vera skyggn.Annað hvort trúir maður á söguhetjuna í þessu ævintýri eða maður fer til helvítis. 9200 euros munu lenda í fangi mínu. 40 kassar af náttúruvíni eða pels EASY. pic.twitter.com/bAleeGgIKp
— Halldór Halldórsson (@DNADORI) June 4, 2018
