Banni á rússneskt frjálsíþróttafólk verður ekki aflétt sem alþjóða frjálsíþróttasambandið setti vegna lyfjamisnotkunar. Alþjóða íþróttadómstóllinn komast að þessari niðurstöðu í morgun og verður ekki mögulegt fyrir Rússana að fara lengra málið. Það er því ljóst að rússneskt frjálsíþróttafólk verður ekki með á Ólympíuleikunum í Ríó sem hefjast 5. ágúst. Um er að ræða 68 rússneska frjálsíþróttamenn.

Rússneskir frjálsíþróttamenn unnu til sjö gullverðlauna á Ólympíuleikunum í London fyrir fjórum árum og er þeim
mjög brugðið vegna þessara niðurstöðu. Þeir geta sótt um undanþágu en þá myndu þeir þá ekki keppa undir rússneska fánanum heldur ólympíufánanum geti þeir sýnt fram á sakleysi sitt.

Lyfjamisnotkun hjá rússnesku íþróttafólki hefur verið harðlega gagnrýnd lengi en í nýútkominni skýrslu kemur fram hvernig lyfjamisnotkun var framkvæmd kerfisbundið með aðstoð rússneskra íþróttayfirvalda. Svo gæti farið að öllum rússneskum íþróttamönnum verði meinuð þátttaka frá ólympíuleikunum en niðurstaða í þeim efnum ætti jafnvel að liggja ljós fyrir vikulokin. Lyfjamisnotkun er ekki einungis meðal rússnesks frjálsíþróttafólks heldur einnig í öðrum íþróttagreinum.

Usian Bolt, ólympíumeistari í 100 og 200 metra hlaupi, segir við BBC þetta mál sorglegt í alla staði. Það sé þó mikilvægt að senda þessi skýru skilaboð að íþróttafólk neyti í ekki ólöglegra lyfja.