Það markar viss tímamót núna ár hvert þegar Veiðilíf Flugubúllunnar kemur út, enda markar það upphaf veiðitímabilsins – tímabilsins sem sem við öll erum búin að vera að bíða eftir svo óskaplega lengi frá því að tímabilinu lauk árinu á undan.

Veiðilíf 2020 kom út 1. apríl síðastliðinn, en Veiðilíf 2020 er vöru- og upplýsingabæklingur Flugubúllunnar fyrir árið 2020 og hafa starfsmenn Flugubúllunnar verið sveittir við senda viðskiptavinum eintök um land allt.

Það er langur vetur að baki og án efa margir farnir að setja sig í gírinn að hefja skemmtilegt veiðitímabil. Það hefur verið kalt veður í kortunum í upphafi þessa tímabils, en ört víkur kaldur veturinn og við tekur fallegt sumar eins og þau gerast best á Íslandi.
Og á þessum skrítnu tímum sem við erum að upplifa núna hvað er þá betra en að hafa gott lesefni við höndina.

Efnisinnihald og umgjörð Veiðilífs er einstaklega vandað, en þar er að finna upplýsingar um flestar vörur sem verða í boði hjá Flugubúllunni árið 2020. En einnig eru þarna ýmsar smágreinar s.s. veiði í Alaska, veiði í Mexíkó, Árni Kristinn segir frá hvernig hann nælir í stóru urriðana á Þingvöllum, og fleira.

Öll hönnun og umbrot þessa vandaða bæklings er í höndum starfsmanna Flugubúllunnar sjálfra og eru notaðar margar skemmtilegar myndir úr Íslanskri náttúru og frá íslenskum veiðimönnum og konum.

Veiðilíf 2020 er frítt og sendir Flugubúllan öllum sem óska eftir eintak hvert á land sem er.