Það eru margir víða um land sem stunda dorgveiði sér til skemmtunnar á hverju ári. Hörku frost hefur verið víða um land undanfarið, bara gaddur suma dagana.  Ísinn  er að verða góður en það betra að fara varlega og skoða stöðuna vel áður en farið er útá ísinn til veiða. Það vita þeir sem reynt hafa.

,,Já, það er stutt í að hægt sé að veiða. Égkoðaði stöðuna um daginn og hann er orðinn þykkur víða,“ sagði dorgveiðimaður sem stundar veiðarnar oft á vetri hverjum og hefur gaman af.

Veiðibúðirnar selja dót til að dorga, margar hverjar ísbor og stangir og svo nær maður sér bara í rækju eða aðra beitu eða bara góðan spúnn.  Bara fara varðlega og hafa gaman að veiða í gegnum ís. Þetta er skemmtileg iðja  og þú sérð vatnið frá öðru sjónarhorni.

Um allt land er dorgveiði stunduð töluvert, margir eiga bor og bregða sér klukkustund og klukkustund að skoða stöðuna og fá kannski einn og einn.

Mynd: Guðmundur Bjarkason, leiðsögumaður, með flotta bleikju úr Mývatni fyrir ári síðan.   Mynd Helgi Héðinsson