Ólafía Þórunn Kristinsdóttir úr GR hóf leik í gær á Thornberry Creek LPGA mótinu í Oneida Wisconsins í Bandaríkjunum.
Samkvæmt upplýsingum frá golf.is lék Ólafía á 69 höggum eða -3. Hún var í 22. sæti þegar hún kom í hús.
Ólafía Þórunn hóf leik á 1. teig og fékk alls sex fugla og þrjá skolla á hringnum.
Ólafía var á meðal þeirra fyrstu sem hófu leik á 1. keppnishringnum. Ragnar Már Garðarsson, afrekskylfingur úr GKG, er aðstoðarmaður hennar í þessu móti líkt og á undanförnum mótum.
Mótið er það 15. á keppnistímabilinu hjá Ólafíu. Hún hefur komist í gegnum niðurskurðinn á fjórum þeirra. Ólafía Þórunn er í 128. sæti CME listans fyrir þetta mót.
