Þetta byrjar oft rólega og virðist ekki vera mikið. Tilfinningin um að líkaminn fylgi ekki alveg með og tilraunirnar til að lagfæra þetta enda með skammvinnri megrun. En margir upplifa að þetta verður endurtekin barátta sem skilar ekki varanlegum árangri.
Í umfjöllun Corrier kemur fram að miðað við gögn um heilsufar Ítala og rannsóknir, sem ítalski læknirinn Franco Berrino benti á, sé ofþyngd sívaxandi vandamál á heimsvísu.
Sérfræðingar benda á að lausnina sé ekki að finna í ströngum megrunarkúrum, heldur í stabílum venjum sem hafa áhrif á líkamann með tímanum.
Ný hugsun
Rannsóknir á sviði næringarfræði og hormónum hafa sýnt fram á að það hvernig við borðum gegnir mikilvægu hlutverki.
Rannsóknir hafa til dæmis sýnt fram á að það að tyggja matinn mjög vel getur haft áhrif á hormóna, sem stýra svengdartilfinningunni, og þar með minnkað hungurtilfinninguna.
Það skiptir líka máli hvenær máltíða er neytt. Rannsóknir hafa sýnt að lengri tími á milli kvöldmatarins og morgunmatarins getur ýtt undir þyngdartap.
Einnig virðist sem líkaminn starfi betur þegar aðalmáltíðirnar eru borðaðar snemma á daginn.
Það sem þú borðar
Hér er sjónunum beint að gæðum en ekki hitaeiningum. Matvæli með miklu magni trefja og sem eru lítið forunnar eru mjög mikilvægar í mörgum rannsóknum á þyngdarstjórnun.
Yfirleitt er fólki ráðlagt að borða:
Grænmeti og belgjurtir.
Gróft korn frekar en unnið.
Hnetur í hóflegu magni.
Gerjuð matvæli.
Þessi matvæli geta styrkt mettunartilfinninguna og heilbrigða þarmaflóru en rannsóknir tengja hana í sífellt meira mæli við þyngdarstjórnun.
