Nú hefur myndband, sem búið var til með aðstoð gervigreindar, náð mikilli útbreiðslu á kínverskum samfélagsmiðlum. Á myndbandið að sýna mögulegar afleiðingar tollastríðsins en eins og kunnugt er hafa Bandaríkin lagt á 104 prósenta toll á innfluttar vörur frá Kína.
Markmið Bandaríkjanna með þessum háu tollum er að hluta til að minnka viðskiptahallann, þar sem Bandaríkin flytja inn miklu meira en þau flytja út, en einnig að hvetja bandarísk fyrirtæki til að framleiða meira innanlands og þar með skapa störf í Bandaríkjunum.
Í myndbandinu sést venjulegur Bandaríkjamaður meðal annars við störf í textílfyrirtæki þar sem hann situr við saumavélina. Þessi störf hafa einkum verið á herðum ódýrs vinnuafls, einkum í Asíu. Þá bregður fyrir starfsmanni sem er að setja saman snjallsíma.
Í frétt News.com.au kemur fram að myndbandið hafi fengið talsverð viðbrögð á samfélagsmiðlum og margir hafi hlegið að því. „Þetta er svo gott,“ er til dæmis haft eftir einum en myndbandið má sjá hér að neðan. Ef það hleðst ekki er ráð að endurhlaða síðuna.
View this post on Instagram
