Á síðasta ári fundu Kínverjar risastór gulllind í Hunan-héraði. Hún heitir Wangu og er að mati margra jarðfræðinga stærsta gulllind heims. Talið er hugsanlegt að allt að 1.000 tonn séu í lindinni. Verðmæti þess er á núvirði sem svarar til 10.500 milljarða króna.

Þetta mikla gullmagn gæti raskað valdajafnvægi heimsins og gert lífið erfiðara fyrir Donald Trump í miðju tollastríði hans gegn heimsbyggðinni.

Trump hefur lagt 145% toll á kínverskar vörur og því hafa Kínverjar svarað með því að leggja 125% toll á bandarískar vörur.

Trump hefur veðjað á að Kínverjar láti fyrst undan í þessar tolla-störukeppni en gullfundurinn mikli gæti raskað þessari fyrirætlun Trump.

Liu Yongjun, aðstoðarforstjóri kínversku jarðfræðistofnunarinnar, segir að gullfundurinn geti margeflt kínverskt efnahagslíf.

Ef Kínverjum tekst að sýna fram á að um 1.000 tonn af gulli séu í lindinni, þá standa þeir uppi sem nýju stjörnurnar á efnahagssviði heimsins og Trump situr eftir með tolla og innantóm loforð.