Margnota vatnsflöskur eru orðinn fastur hluti af lífi margra en því fer fjarri að allir muni að þvo þær nógu oft. Flöskurnar eru fylltar hvað eftir annað án þess að vera þrifnar almennilega á milli. Þetta getur haft slæmar afleiðingar.

Sérfræðingar segja að það þurfi að þvo flöskurnar eftir hverja notkun til að koma í veg fyrir bakteríusöfnun og myglu. Þetta kemur fram á vefnum marthastewart.com.

Það er í sjálfu sér ekki svo erfitt að þvo flöskurnar, þetta er bara spurning um að koma því inn í rútínu. Það þarf bara að nota venjulegan uppþvottalög, lyftiduft, flöskubursta, tannbursta, pípuhreinsara og hvítt edik. Það þarf að tæma flöskuna og taka eins mikið í sundur og hægt er áður en hún er þvegin.

Fólki er ráðlagt að skola flöskuna með heitu vatni, þvo hana með sápuvatni og nota flöskuburstann til að ná inn í alla króka og koma. Síðan á að skola hana og láta hana þorna alveg áður en hún er sett saman á nýjan leik. Ef hún má fara í uppþvottavél, þá er um að gera að setja hana í vélina.