Gestum Disneylands í Anaheim í Kaliforníu brá mjög á laugardagskvöldið þegar allsnakinn maður gekk um á New Orleans Square. Hann fór upp á þak Tiana‘s Palace og stóð þar allsnakinn fyrir allra augum.

The Independent segir að maðurinn hafi verið handtekinn grunaður um að hafa verið á svæði þar sem hann mátti ekki vera, að vera nakinn á almannafæri og fyrir að vera undir áhrifum vímuefna.

ABC7 hefur eftir lögreglunni að um kanadískan ríkisborgara sé að ræða.

Upptökur, sem hafa verið í dreifingu á samfélagsmiðlum, sýna manninn standa allsnakinn á þaki Tiana‘s Palace.