Þann 14. desember 2023 fannst Kristil Krug, gift þriggja barna móðir, látin í bílskúrnum á heimili sínu í Colorado. Hún hafði verið myrt og var með tvö áverkasár á baki og stungusár á brjósti.
Örfáum mánuðum fyrir andlát sitt, í október 2023, hafði Krug samband við lögregluna og sagðist halda að gamall kærasti frá því fyrir 20 árum væri að áreita hana. Hún fékk tölvupósta og sms-skilaboð, þar á meðal nokkur sem gagnrýndu eiginmann hennar Daniel – einn kallaði hann „drullusokkinn eigimann hennar“. Önnur skilaboð sögðu: „Ég mun losa mig við hann og þá getum við verið saman,“ og „Þú vilt hann ekki, ég veit að þú vilt mig“. Krug fékk einnig sendar myndir sem gáfu til kynna að einhver væri að elta hana.
En eftir að hún fannst látin fundu rannsóknarlögreglumenn sönnunargögn sem sögð voru sýna að Daniel hafi í raun verið sá sem sendi konu sinni skilaboðin. Rannsakendur gátu rakið IP-tölu tölvupóstanna og skilaboðanna sem Krug fékk til vinnustaðar eiginmannsins. Yfirvöld sögðu einnig að eiginmaður hennar væri eina manneskjan sem hefði aðgang að eftirlitsmyndavélum sem Krug hefði sett á heimilið, sem slökkt var á dauðadegi hennar.
Daniel Krug var ákærður fyrir morð af fyrstu gráðu, eltihrell og glæpsamlegt athæfi í tengslum við dauða eiginkonu hans, Kristil Krug, í desember 2023.
Föstudaginn 4. apríl hófust upphafsskýrslur í réttarhöldunum yfir honum, þar sem saksóknarar héldu því fram að Daniel hafi vísvitandi skipulagt morðið á eiginkonu sinni með því að bíða eftir því að hún kæmi á heimili þeirra í úthverfi Denver áður en hann réðst á hana 14. desember 2023.
Ættingi sagði rannsóknarlögreglumönnum að Kristil og Daniel, sem giftu sig árið 2007, hefðu ætlað að skilja.
Verjandi Daniels, Joe Morales, hélt því fram að skjólstæðingur hans ætti ekki að tengjast morðinu þar sem DNA hans fannst ekki á vettvangi glæpsins og ekkert blóð fannst á fötum hans eða í bíl hans. Morales sagði einnig fyrir dómi að fullyrðing saksóknara um að Daníel hafi sent textaskilaboð úr síma Krug eftir dauða hennar væri tilhæfulaus, þar sem hann sagði að síminn hennar hafi ekki verið prófaður af lögreglu fyrir DNA.
Hvað varðar fyrrverandi kærasta Krug, sem Daniel sagði hafa borið ábyrgð á morðinu, var staðfest að hann hefði búið í Utah á þeim tíma sem Krug fékk skilaboðin. Hann var jafnframt með fjarvistarsönnum á þeim tíma sem og á deginum sem hún lést.
