Sky News segir að talið sé að mikið sé af platínum og svipuðum málmum sé í loftsteininum. Þessi málmar eru mjög mikilvægir við framleiðslu raftækja, lækningatækja og nýrrar umhverfisvænnar tækni.
Óðinn mun rannsaka hvað er af málmi á loftsteininum og síðan er ætlunin að annað geimfar lendi á honum.
Það er einkafyrirtækið AstroForge sem stendur að verkefninu. Matt Gialich, einn stofnenda þess, sagði í samtali við Sky News að það kosti sem svari til 4,4 milljóna íslenskra króna að vinna hvert kíló af þessum málmum úr jörðu hér á jörðinni. „Vandinn er að á jörðinni höfum við tæmt allar góðar uppsprettur platínummálma. Allt, sem við erum að skoða núna er marga kílómetra undir yfirborðinu. Það er mjög erfitt að vinna þetta en við vitum að þetta er til úti í geimnum. Við vitum að þetta er aðgengilegt. Verkefni okkar er að fara upp í staðinn fyrir niður,“ sagði hann.
Það mun taka Óðinn 300 daga að ná loftsteininum sem verður þá í 1,6 milljón kílómetra fjarlægð frá jörðinni. Óðinn mun taka nærmyndir af yfirborðinu til að staðfesta hvaða málma er þar að finna.
Ætlunin er að annað geimfar lendi á loftsteininum síðar á árinu og taki jarðvegssýni. Ef þau sýna að mikið sé af verðmætum málum á loftsteininum er vonast til að hægt verði að senda þriðja geimfarið að honum fljótlega til að sækja slíka málma.
Fyrirtækið hefur hannað hreinsitækni, sem krefst lítillar orku, sem getur að sögn skilað um einu tonni af hágæðamálmum á þremur mánuðum. Að þeim tíma loknum verður hægt að flytja málmana til jarðar.
