Síðast sást til bræðranna Andrew, níu ára, Alexander, sjö ára, og Tanner Skelton, fimm ára, í nóvember 2010. Bræðurnir fóru til föður síns á þakkargjörðarhátíðinni og var faðir þeirra, John Skelton dæmdur í fangelsi fyrir að skila drengjunum ekki til móður þeirra.

Móðir drengjanna, Tanya Zuvers, telur að þeir hafi verið myrtir af föður sínum. Hann hefur þó aldrei verið ákærður í tengslum við dauða drengjanna.

Nú liggur það hjá dómstól í Michigan að ákveða hvort lýsa eigi bræðurna látna eftir að hafa verið horfnir í 15 ár.

Móðir drengjanna hafði óskað eftir skilnaði á þeim tíma sem bræðurnir hurfu. Þar sem liðin er meira en áratugur síðan síðast spurðist til þeirra lagði hún fram í skjöl í desember 2023 þar sem hún fór fram á að dómstóll lýsi syni hennar látna.  Mánudaginn 3. mars síðastliðinn lýstu rannsakendur því yfir fyrir dómi að engin merki væru um að drengirnir væru enn á lífi.

Í nóvember 2010, þegar bræðurnir skiluðu sér ekki aftur heim til móður sinnar daginn eftir þakkargjörðarhátíðina, rakti lögreglan síma föður þeirra til Ohio klukkan fjögur að morgni og aftur í Michigan eftir klukkan sex að morgni. Við húsleit á heimili Skelton sama dag gerði lögreglan ógnvekjandi uppgötvun, en hann var á sjúkrahúsi vegna ökklameiðsla.

Innan um sóðaskapinn á heimili hans fann lögreglan snöru hangandi af annarri hæð, opna biblíu þar sem hringur hafði verið dreginn um vers og minnismiða, að því er virðist fyrir Zuvers, sem á stóð: „Þú munt hata mig að eilífu og ég veit þetta,“ er haft eftir Corey Burras alríkislögreglumanni (FBI).

Þegar prestur í kirkjunni sem Skelton sótti gekk á hann með hvar synir hans væru, svaraði Skelton: „Ég sendi þá heim.“ Orð sem Burras telur gefa í skyn að Skelton hafi myrt syni sína.

„Ég er viss um að þeir séu látnir,“ sagði Larry Weeks, sem var lögreglustjóri í Morenci árið 2010, fyrir rétti á mánudag.

Móðir drengjanna sagðist einnig trúa því að Skelton hefði myrt þá.

Rannsókn málsins leiddi í ljós að Skeltin hafði leitað á netinu að leiðbeiningum um hvernig á að brjóta háls, sagði Weeks.   Hann fullyrti ennfremur að Skelton hefði logið til um dvalarstað bræðranna og sett fram rangar fullyrðingar um að þeir hefðu verið afhentir fólki til að tryggja öryggi þeirra.  Móðir bræðranna heldur því einnig fram að faðir þeirra hafi „haldið því fram að drengirnir myndu leggjast í dvala þar til þeir útskrifast.“  Zuvers sagði fyrir rétti á mánudag að yfirlýsing um að synir hennar væru látnir myndi leyfa henni að votta sonum sínum virðingu og setja dagsetningu á legstein þeirra. 

„Vegna þess að pabbi þeirra sýndi þeim enga virðingu,“ sagði hún. „Vegna þess að allir ástríkir feður hefðu ekki gert það sem hann gerði og ég skulda þeim virðingu. Ég tók þessa ákvörðun eftir mikla umhugsun og umræður við fjölskyldu mína og vini. Þetta var ekki létt ákvörðun að taka. Ekkert foreldri vill missa barn, en að þurfa að láta dómstóla grípa inn í og ​​lýsa það látið er bara óskiljanlegt.“ 

Skelton hefur ekki verið ákærður í tengslum við dauða drengjann,  hann var sakfelldur og dæmdur í 15 ára fangelsi fyrir að hafa ekki skilað drengjunum til móður þeirra.

Á mánudag kom hann fyrir dómstól í gegnum fjarfundarbúnað og var ósamvinnufús.

„Það hafa allir fengið lögfræðinga, nema ég. Ég er beittur órétti. Allt sem ég segi mun ekki skipta máli.