Vísindamenn við Kansas State University notuðu gögn frá James Webb geimsjónaukanum við rannsóknina. Gögnin sýndu að meirihluti vetrarbrautanna snýst í sömu átt. Það er á skjön við fyrri hugmyndir um að heimurinn okkar sé samsæta en það þýðir að jafn margar vetrarbrautir ættu að snúast í hvora átt.
„Það er ekki ljóst hvað veldur þessu en tvær skýringar koma helst til greina,“ sagði Lior Shamir, einn höfunda rannsóknarinnar, að sögn The Independent.
Önnur er að alheimurinn hafi myndast með snúningi. Sú skýring passar við kenningar um að alheimurinn okkar sé inni í svartholi. Þessar kenningar fela í sér að Vetrarbrautin og allar aðrar vetrarbrautir í hinum sjáanlega alheimi séu inni í svartholi sem myndaðist í öðrum og miklu stærri alheimi.
Þetta gengur á skjön við margar kenningar um alheiminn, þar á meðal þá að hann hafi myndast í Miklahvelli. Um leið opnar þetta á möguleikann að svarthol í alheiminum okkar geti verið mörkin að öðrum alheimum. Ef svo er, þá bendir það til þess að margir alheimar séu til.
