Glæsilegur Christian Dior brúðarkjóll forsetafrúarinnar Melania Trump er til sölu á Ebay, listaverðið er 45 þúsund dalir eða um 6 milljónir króna.
Kjóllinn er hannaður af John Galliano, og valdi Melania hann sjálf á sínum tíma í París með aðstoð ritstjóra Vogue, Anna Wintour. Melania og Donald Trump giftu sig í janúar 2005. Trump bað Melania í apríl 2004 eftir sex ára samband og sonur þeirra, Barron, fæddist í mars 2006.
Rithöfundurinn Liana Satenstein sagði frá því að kjóllinn sem Trump greiddi að sögn 100 þúsund dali fyrir væri skráður til sölu á Ebay fyrir 45 dali dali (eða besta tilboð) með ókeypis sendingu frá konu sem segist hafa keypt kjólonn af forsetafrúnni. Satenstein sagði Patricia Torvalds vinkonu sína hafa rekist á auglýsinguna þegar hún var að leita að „80s Dior kjólum“. Kjólinn var settur í sölu í janúar.
Seljandinn svaraði Torvalds og sagðist hafa keypt kjólinn frá Melania á 70 þúsund dali, en þær eiga sameiginlegan vin, fyrir sitt eigið brúðkaup árið 2010. Hún hafi gert smávægilegar breytingar á upprunalegu hönnuninni, þar á meðal „nýtt lag af satíni neðst, útsaumsstykki að ofan og meira efni aftan á kjólnum“ auk þess sem hún hefði bætt hlýrum við.
Melania klæddist kjólnum ásamt brúðarslöru á forsíðu Vogue í febrúar 2005.
Kjóllinn var saumaður úr 92 metrum af hvítu hertogaynjusatíni og handsaumaður með kristalperlum, vinnan við kjólinn tók um 550 klukkustundir. Kjólinn vegur um 30 kg eins og kom fram í Vogue á sínum tíma.
Donald Trump, sem bað Melania á leið þeirra á Met Gala árið 2004, deildi mynd frá brúðkaupi þeirra nú í janúar þegar þau fögnuðu 20 ára brúðkaupsafmæli.
View this post on Instagram
