Forsætisráðherra Írak sagði Abu Khadija vera „einn hættulegasta hryðjuverkamanninn í Írak og heiminum“. Á fimmtudag í síðustu viku gerði bandaríski herinn loftárás á bíl Khadija og sagði síðan að hann hefði fallið í árásinni, það hefðu DNA-sýni sýnt.

Khadija var æðsti leiðtogi Íslamska ríkisins í Írak og Sýrlandi.

Í færslu á Truth Social skrifaði Donald Trump að hann hefði verið ráðinn af dögum. „Við bundum enda á ömurlegt líf hans,“ skrifaði forsetinn og bætti við: „FRIÐUR MEÐ ÞVÍ AÐ SÝNA STYRK!“

Sky News segir að árásin hafi verið gerð í samvinnu við íraskar leyniþjónustustofnanir og öryggissveitir.

Bandarískir og íraskir hermenn fundu tvö lík á vettvangi. Bæði voru í sjálfsvígsvestum sem höfðu ekki sprungið og með fjölda vopna á sér. DNA-sýni sannaði að annað líkið var af Khadija.