Eftir að Donald Trump tók við forsetaembættinu í janúar hefur hann sagst vilja ná Panamaskurðinum aftur á vald Bandaríkjanna en eins og er fer Panama með stjórn skurðarins.
Hluti af þessari fyrirætlan hans er að hernum hefur verið gert að undirbúa áætlanir um hvernig bandaríski herinn geti starfað með her Panama við skurðinn yfir í mun ólíklegri aðgerð sem það væri að Bandaríkin sölsi skurðinn undir sig með valdi. NBC News skýrir frá þessu.
Fyrirætlanir Hvíta hússins um að styrkja bandaríska herinn í Panama er að sögn hluti af áætlun Trump um að reyna að draga úr áhrifum Kínverja við skurðinn. Skurðurinn er talinn vera hlutlaus en Trump hefur fullyrt að kínverskir hermenn „fari með stjórn hans“ og telur að Panama láti bandarísk fyrirtæki greiða of mikið fyrir notkun hans.
José Raúl Mulino, forseti Panama, hefur vísað ásökunum Trump á bug og sagt þær vera „bull“.
En Trump stendur fast á að vilja fá meiri yfirráð yfir skurðinum.
Bandaríkin eru nú þegar farin að láta til sín taka til að ná meiri yfirráðum yfir honum. Fyrr í mars samþykkti fyrirtæki í Hong Kong að selja hlut sinn í dótturfyrirtæki sem rekur hafnir nærri skurðinum. Yfirvöld í Panama verða að samþykkja söluna.
200 bandarískir hermenn eru staðsettir í Panama að sögn heimildarmanna í bandaríska varnarmálaráðuneytinu.
