fbpx
Þriðjudagur 18.mars 2025
Pressan

Niðurlægður með pínulitlum rauðum dregli – „Ég elska Kandabúa“

Pressan
Mánudaginn 17. mars 2025 14:04

Marco Rubio á fundi G7-ríkjanna/Getty

Ekki missa af Helstu tíðindum dagsins í pósthólfið þitt

Lesa nánar

Oggulítill rauður dregill hefur vakið töluverða lukku í netheimum og valdið því að utanríkisráðherra Bandaríkjanna, Marco Rubio, var hafður að háði og spotti. Litla dregilinn mátti sjá á myndum frá flugvelli í Quebec, Kanada, í síðustu viku þar sem Rubio var boðinn velkominn. Ráðherrann var að mæta á ráðstefnu G7-ríkjanna sem var haldin í borginni La Malbaie á föstudaginn.

Netverjar eru sannfærðir um að dregillinn hafi viljandi verið hafður lítill til að hefna fyrir tíðar fullyrðingar Donald Trump Bandaríkjaforseta um að Kanada verði innlimað með góðu eða illu á kjörtímabilinu.

„Ég elska Kandabúa. Sjáið lengdina á þessum rauða dregli sem var rúllað út fyrir Rubio utanríkisráðherra í Kanada?“ skrifar einn netverji. Það vakti svo enn meiri kátínu þegar netverjar tóku eftir því að ekki bara var dregillinn stuttur heldur endaði hann líka í miðjum poll. „Beint í pollinn með þig,“ skrifar einn kátur. Annar velti fyrir sér hvort að Rubio hefði aðeins fengið fjórðung, eða 25%, af dregli út af þeim tollum sem Bandaríkin ætla að setja á kanadískan innflutning. „Afnemið tollana og þá fáið þið lengri dregil.“

Stjórnvöldum í Kanada er vægast sagt ekki skemmt yfir hótunum nágranna sinna. Trump hefur ítrekað hvatt Kanada til að gerast 51. ríki Bandaríkjanna og gert að því skóna að innlimun sé óumflýjanleg. Utanríkisráðherra Kanada, Mélanie Joly, sagði á fundi G7 að Kanada sé fullvalda ríki og verði það áfram. Hún beindi orðum sínum til Rubio og Trump og sagði: „Þið eruð hér, þið virðið okkur og þið virðið fullveldi okkar. Þið virðið fólkið okkar. Punktur.“

Kanada sé ekki hluti Bandaríkjanna því þjóðin vilji það ekki og hefur aldrei viljað. Sumir haldi því fram að Bandaríkjaforseti sé að grínast en Joly tók fram að Kanadabúum er ekki skemmt, heldur eru þeir óttaslegnir. Kanadabúar séu stolt þjóð og hafi ekki húmor fyrir því að fullveldi þeirra sé ógnað.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Svona langan tíma tekur það heilann að jafna sig eftir fyllerí

Svona langan tíma tekur það heilann að jafna sig eftir fyllerí
Pressan
Í gær

Ekki henda kaffikorginum – Þetta er hægt að nota hann í

Ekki henda kaffikorginum – Þetta er hægt að nota hann í
Pressan
Fyrir 2 dögum

5 mýtur um gigt – Hér er sannleikurinn

5 mýtur um gigt – Hér er sannleikurinn
Pressan
Fyrir 2 dögum

Rak óvart hljóðnemann framan í Trump – Stuðningsmenn forsetans brjálaðir yfir atvikinu

Rak óvart hljóðnemann framan í Trump – Stuðningsmenn forsetans brjálaðir yfir atvikinu
Pressan
Fyrir 2 dögum

Þessir drykkir geta átt sök á hrukkunum þínum

Þessir drykkir geta átt sök á hrukkunum þínum
Pressan
Fyrir 3 dögum

Málarekstur sagður framundan um erfðaskrá Gene Hackman

Málarekstur sagður framundan um erfðaskrá Gene Hackman