fbpx
Mánudagur 17.mars 2025
Pressan

Ekki henda kaffikorginum – Þetta er hægt að nota hann í

Pressan
Sunnudaginn 16. mars 2025 19:30

Kaffikorgur er til margra hluta nytsamlegur. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Flestir fá sér kaffibolla í byrjun dags. Það fellur auðvitað töluvert til af kaffikorgi við þessar uppáhellingar og oft endar hann í ruslinu. Það er eiginlega synd, því kaffikorgur er til margra hluta nytsamlegur í eldhúsinu.

Næst þegar þú ætlar að henda kaffikorgi, þá skaltu hinkra aðeins og íhuga hvort eitthvað af eftirtöldu sé ekki eitthvað sem þú getur notað hann í.

Hresstu upp á ísskápinn – Ef það þarf að hressa upp á ísskápinn, þá getur kaffikorgur gert kraftaverk. Það er mikið köfnunarefni í kaffikorgi en það dregur slæma lykt í sig og eyðir henni. Ef þú ætlar að nota kaffikorginn í þetta þá þarf hann að þorna fyrst, svo hann mygli ekki. Settu hann í opið ílát og settu í hillu í ísskápnum. Skiptu um kaffikorg aðra hverja viku.

Við handþvott – Það er hægt að nota þurran kaffikorg við handþvott. Ef þú hefur til dæmis verið að skera hvítlauk eða lauk og vilt losna við lyktina, þá er bara að nudda smá kaffikorgi á hendurnar og skola með heitu vatni.

Ræktaðu sveppi – Ef þú ert hrifin(n) af sveppum og vilt rækta þína eigin, þá hentar kaffikorgur vel til þess. Hann er næringarríkur og hentar vel til svepparæktar.

Meyrt kjöt – Það er hægt að nota kaffikorg til að láta kjöt meyrna. Hann getur brotið kollagenið í kjötinu niður og þannig gert það meyrt. Kaffikorgurinn bætir síðan djúpu, jarðvegskenndu bragði við kjötbragðið en það hentar sérstaklega vel þegar grilla á kjötið. Til að nota kaffikorginn í þetta, þá skaltu blanda kaffikorgi saman við uppáhaldskryddin þín og nudda blöndunni á kjötið og láta liggja á því í eina klukkustund hið minnsta, ekki verra ef þú lætur það liggja yfir nótt. Síðan er bara að grilla kjötið eins og venjulega.

Þrif á pottum og pönnum – Kaffikorgur hentar vel til þrifa á skítugum pottum og pönnu. Hann virkar eins og slípiefni sem fjarlægir brenndar matarleifar og fitu án þess að rispa pottana og pönnurnar. Ef þú gerir þetta, þá skaltu fylla pottinn eða pönnuna með heitu sápuvatni. Bættu einni matskeið af kaffikorgi út í. Notaðu mjúku hliðina á svamp til að skrúbba skítugu svæðin. Skolaðu síðan vel með heitu vatni og þurrkaðu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Vonda stjúpmóðirin læsti hann inni í 20 ár – Upptaka úr búkmyndavél lögreglu sýnir hvernig hún brást við þegar hann slapp

Vonda stjúpmóðirin læsti hann inni í 20 ár – Upptaka úr búkmyndavél lögreglu sýnir hvernig hún brást við þegar hann slapp
Pressan
Í gær

„Ég set kartöflur í skál og helli Coca-Cola yfir. Þetta á heimsmeistaratitil skilinn“

„Ég set kartöflur í skál og helli Coca-Cola yfir. Þetta á heimsmeistaratitil skilinn“
Pressan
Í gær

Hakkarahópurinn Anonymous boðar aðgerðir gegn ríkisstjórn Trump – „Þið standið frammi fyrir uppgjöri“

Hakkarahópurinn Anonymous boðar aðgerðir gegn ríkisstjórn Trump – „Þið standið frammi fyrir uppgjöri“
Pressan
Í gær

Tæknirisarnir nota leynilegar formúlur til að skrá svefn þinn

Tæknirisarnir nota leynilegar formúlur til að skrá svefn þinn
Pressan
Fyrir 2 dögum

Sakfelldur fyrir að hafa ítrekað mök við systur sína – Tilkynnti sjálfur um málið

Sakfelldur fyrir að hafa ítrekað mök við systur sína – Tilkynnti sjálfur um málið
Pressan
Fyrir 3 dögum

Lögreglan var kölluð út vegna innbrots – Leystu sjö ára gamalt mál í kjölfarið

Lögreglan var kölluð út vegna innbrots – Leystu sjö ára gamalt mál í kjölfarið
Pressan
Fyrir 3 dögum

Óhugnanleg sjón mætti viðbragðsaðilum – Grunuð um að halda stjúpsyni sínum föngnum í rúm 20 ár

Óhugnanleg sjón mætti viðbragðsaðilum – Grunuð um að halda stjúpsyni sínum föngnum í rúm 20 ár
Pressan
Fyrir 3 dögum

Fór út að skemmta sér í sólarhring og skildi 18 mánaða barn eftir eitt

Fór út að skemmta sér í sólarhring og skildi 18 mánaða barn eftir eitt