Gleyma að lofta út – Margir lofta ekki nægilega vel út daglega. Það á að lofta út þrisvar á dag í 5-10 mínútur í einu og best er ef það trekkir í gegnum íbúðina. Ef þetta er ekki gert, þá getur það valdið myglusveppi og auðvitað slæmu lofti í húsnæðinu.
Þurrka þvott – Það þarf auðvitað að þurrka þvottinn þegar búið er að þvo hann. En það á ekki að þurrka hann innanhúss því mikill raki fylgir því. Rakinn getur valdið myglusvepp og of háu rakastigi. Ef þú átt engra annarra kosta völ en að þurrka þvottinn innandyra, þá skaltu þurrka hann inni á baði en ef það er ekki hægt, þá er hægt að draga úr rakanum með því að opna dyr og glugga í skamma stund margoft yfir daginn.
Notaðu viftuna – Ef þú ert með viftu fyrir ofan eldavélina, þá skaltu alltaf nota hana þegar þú ert að elda. Góð vifta, fjarlægir raka og flestar þær agnir sem berast frá eldamennskunni. Þegar þú slekkur á viftunni, er ekki útilokað að agnir séu enn í loftinu og því er góð hugmynd að lofta út.
Lækka hitann of mikið – Það er kannski freistandi að lækka hitann í húsinu til að spara í kyndingarkostnaði en ekki má láta hitann fara niður fyrir 18 gráður því þá aukast líkurnar á að myglusveppur nái sér á strik.
Gleyma að ryksuga – Það er mælt með að ryksugað sé minnst einu sinni í viku og minnst fjórum sinnum ef þú ert með gæludýr. Góð þrif tryggja hreinlæti og gott loft í íbúðinni.
Reykingar – Reykingar innanhúss geta dregið mjög úr loftgæðum og þær hafa áhrif á reykingafólkið og aðra sem eru í íbúðinni. Börn geta orðið fyrir sérstaklega miklum áhrifum af reykingum. Ef þú getur ekki sleppt því að reykja, þá skaltu gera það utanhúss.
