Þetta var mikið áfall en í stað þess að verða reiður eða æstur, þá áttaði ég mig á að ég örvaðist kynferðislega við þetta.
Hún var miður sín og grátbað mig um að fyrirgefa sér, sagði að þetta hefðu verið mistök.
Nokkrum vikum síðar, játaði ég að þetta hefði æst mig kynferðislega. Ég sagði að ef hún vildi hitta aðra karla, þá mætti hún það en bara ef ég mætti horfa á. Hún var hissa en samþykkti þetta og sagðist ekki vita hvort hún væri tilbúin til að vera bara með einum karli en vildi hins vegar ekki slíta sambandinu.
Hún var taugaóstyrk í fyrsta sinn, sem hún kom heim með karlmann, en þegar hún sá hvað þetta örvaði mig, losnaði um hömlurnar og hún naut þess. Þegar þau voru búin, stundum við besta kynlífið sem við höfum nokkru sinni stundað.
Eftir þetta hefur hún komið heim með nokkra karla til að stunda kynlíf með.
Ég er farinn að hafa áhyggjur af því sem við erum að gera. Mér finnst þetta ekki eðlilegt og hef áhyggjur af að það muni slitna upp úr sambandi okkar. Ég hef líka áhyggjur af að ég geti aldrei aftur verið í hefðbundnu sambandi. Á ég að hafa áhyggjur eða er í lagi hafa þessa löngun?
Þetta skrifaði maður nokkur til Deidre, kynlífsráðgjafa The Sun, sem svaraði honum og sagði að það sé ótrúlega algengt að fólk örvist kynferðislega við að sjá maka sinn stunda kynlíf með öðrum.
Hún sagði að margir karlar hafi sagt henni að þá dreymi um að sjá konur sínar stunda kynlíf með öðrum körlum og sumir þeirra upplifa þessa drauma sína.
Hún benti á að þessu fylgi ákveðnar hættur og fólk verði því að hugsa málið til enda. Afprýðissemi geti komið upp eða óöryggi. Þá sé líka mikilvægt að stunda öruggt kynlíf. Einnig geti það orðið vandamál ef annar aðilinn vilji hætta þessu en hinn ekki. Mikilvægt sé að ræða saman um þetta og virða mörk hvors annars.
