Breskir vísindamenn rannsökuðu tengslin á milli erfða og matvendni. Þeir notuðu gögn um 4.800 eineggja og tvíeggja tvíbura.
Börnin voru á aldrinum 16 mánaða til 13 ára. Niðurstöðurnar voru skýrar: Erfðir skipta miklu máli hvað varðar matvendni, sérstaklega þegar börn eru þriggja ára.
Vísindamennirnir segja að rannsóknin sýni að erfðir skýri um 60% af matvendni ungra barna. Hlutfallið er 74-84% þegar börnin eru á aldrinum 3 til 13 ára.
Þetta þýðir að þrátt fyrir að umhverfið hafi ákveðin áhrif, þá eru það erfðir sem ráða mestu um matvendni.
En þrátt fyrir að matvendni sé aðallega tilkomin vegna erfða, þá þýðir það ekki að foreldrarnir séu alveg áhrifalausir. Vísindamennirnir segja að það séu „gluggar“ á þroskaskeiði barnanna, þar sem umhverfið leiki stærra hlutverk.
Videnskab.dk hefur eftir Christine Helle, lektor við háskólann í Agder, að áhrifaríkast sé að innleiða fjölbreytt mataræði áður en barnið nær 2 ára aldri. Á þessum aldri hafa foreldrarnir mest áhrif.
Vísindamennirnir segja að börnin þurfi að fá nýjan mat oftar en einu sinni áður en þau sætta sig við hann.
Þetta krefst þolinmæði en getur skilað ávinningi til langs tíma.
