En hversu mikið veist þú um hunda?
Á vef gipote.dk má finna eftirfarandi staðreyndir um hunda:
Labrador retriever er vinsælasta hundategundin.
Þegar hundar drekka, þá búa þeir til litla „skeið“ með tungunni til að taka vatnið upp.
Hundar eru afkomendur úlfa en vissir þú að elsti forfaðir þeirra er Miacis, sem var lítið dýr sem var uppi fyrir 40 milljónum ára. Þetta dýr er líka forfaðir úlfa, þvottabjarna og bjarndýra.
Hundar geta fundið breytingar á veðri á sér löngu á undan okkur tvífætlingunum. Þeir verða oft órólegir þegar vont veður er í uppsiglingu.
Nýfæddur hvolpur er blindur, heyrnarlaus og tannlaus.
Hundar eru með frábær skilningarvit en fyrsta skilningarvitið sem þeir þróa með sér, er snertiskynið.
Þrátt fyrir að hundum líki vel að láta snerta sig, þá fellur þeim almennt ekki að láta faðma sig. Í heimi hunda getur það verið túlkað sem merki um að hundur drottni yfir öðrum ef hann leggur fæturna yfir hann.
Hundar geta hreyft eyrum óháð hvort öðru.
Litlir hundar heyra betur en stórir hundar.
Við mennirnir erum með einstök fingraför en hundar einstakt neffar.
Blautt nef hunda, hjálpar þeim við að finna lykt því blautt nefið fangar vatnsdropa sem innihalda lykt.
Þvag hunda er ekki bara sterkt, það er ætandi. Það hefur þurft að skipta um marga ljósastaura því hundar höfðu migið svo mikið á þá.
