Marga langar að fá sér gæludýr, oftast hund eða kött, en það er að mörgu að hyggja og ekki allir sem geta fengið sér gæludýr, þótt þeir vilji það gjarnan.

Hér á eftir eru talin upp nokkur atriði sem rétt er að íhuga ef gæludýr er á óskalistanum.

Ekki koma fólki á óvart með gæludýri – Það að fá sér gæludýr, er ævilöng skuldbinding, það er að segja svo lengi sem dýrið lifir. Það er því ekki snjallt að gefa fólki dýr óvænt. Öðru máli gegnir auðvitað er rætt er við það fyrst og það er sátt við að fá dýr að gjöf.

Ekki kaupa dýr – Fjöldi gæludýra er aflífaður árlega vegna þess að fólk losar sig við þau og þau enda hjá dýraverndarsamtökum. Ekki er hægt að útvega þeim öllum heimili og því er ekki úr vegi að fá dýr hjá þeim, frekar en að kaupa dýr hjá ræktanda.

Gelding – Þú skalt íhuga hvort rétt er að láta gelda gæludýrið þitt. Ekki eru allir á eitt sáttir um hvort þetta er gott fyrir dýrin en þetta getur verið skynsamlegt ef þú vilt sleppa við að fylla húsið af ungviði sem þarf svo jafnvel að láta svæfa.

Undirbúðu þig fjárhagslega og tilfinningalega – Ef þú hefur ekki efni á gæðafóðri, reglulegum heimsóknum til dýralæknis og sníkjudýraforvörnum, þá ættir þú ekki að fá þér gæludýr. Það fylgir því töluverður kostnaður að eiga gæludýr. Dýrin dafna best ef þau fá félagsskap og dýrið ætti að vera hluti af fjölskyldunni, ekki bara látið vera eitt úti í á afgirtu svæði eða aleitt allan daginn.

Hugsaðu til langs tíma – Ef það eru líkur á að þú munir flytja eftir að þú færð þér gæludýr, þá ættirðu kannski að bíða með það því þú gætir þurft að skilja það eftir. Gættu þess einnig að velja dýrategund sem hentar þínum lífsstíl. Sem dæmi má nefna að ef þú hreyfir þig ekki mikið, þá skaltu ekki fá þér hund sem þarf mikla hreyfingu. Veldu frekar gamlan hund en hvolp.