Þýskur nýnasisti situr í fangelsi fyrir að hatursorðræðu. Hann hefur nú löglega skipt um nafn sem og kyn til að freista þess að fá að afplána refsingu sína í kvennafangelsi.

Sven Liebich var dæmdur í 18 mánaða óskilorðsbundið fangelsi fyrir hatursorðræðu og ítrekuð meiðyrði. Sven hefur áfrýjað dómnum en í millitíðinni breytti hann kynskráningu sinni og kallar sig nú Marla-Svenja Liebich. Hann eða öllu heldur hún segist óttast fordóma í karlafangelsinu. Liebich hefur þó ekkert gert til að breyta útliti sínu. Þetta gerir að verkum að margir efast um að nýnasistinn sé í raun trans. Liebich hefur tengsl við nýnasistaflokkinn Homeland sem er öfgahægri flokkur. Mörgum þykir ljóst að nýnasistinn sé ekki trans í alvörunni heldur ætli að freista þess að nýta sér löggjöf fyrir trans fólk til að fá afplána í kvennafangelsi.

Embættismenn segja að þetta útspil Liebich muni líklega ekki bera þann árangur sem að er stefnt.

„Það er ekkert sem sjálfkrafa tryggir það að karlmaður verði sendur í kvennafangelsi eftir að breyta kynskráningu og skipta um nafn,“ sagði talsmaður saksóknaraembættisins sem tók fram að hvert mál sé metið fyrir sig þegar svona kemur upp. Liebich er að nýta sér lög um sjálfsákvörðunarrétt í Þýskalandi sem kveða á um að fólk eigi rétt á að skipta um nafn og kyn í opinberum skrám án þess að undirgangast geðmat. Liebich notar eins breytta skráningu í áfrýjun sinni en hann vill meina að mál ákæruvaldsins sé gegn karlmanni sem samkvæmt opinberum gögnum er ekki lengur til. Daily Bild ræddi við starfsmann þýsku þjóðskrárinnar sem tók fram að þó að fólk skipti um kyn þá sé enn um sama einstakling að ræða að lögum. Það er viðkomandi hefur enn sömu kennitölu.