Umdeildur fulltrúardeildarþingmaður birti færslu í tilefni eldanna sem nú loga í Los Angeles. Mörgum þykir þingmaðurinn þar afhjúpa vanþekkingu sína á veðurfyrirbærum. Hún skrifaði á samfélagsmiðlinum X á sunnudaginn:

„Hvers vegna beita þeir ekki jarðverkfræði á borð við skýjasáningu til að láta rigna yfir villtu eldana í Kaliforníu. Þeir vita hvernig á að gera það.“

Skýjasáning (e. cloud seeding) er sú aðferð að nota efni á borð við silfurjoð til að auka rafhleðslu skýja. Þetta geti stuðlað að stærri regndropum en ella. Það sem þingmaðurinn umdeildi, Marjorie Taylor Greene, virðist þó ekki skilja er að til þess að aðferðin beri árangur þá þurfa regnský að vera til staðar. Aðferðin virkar því ekki í þurrki líkt og ríkir í Kaliforníu þessa dagana. Greene hefur að því er virðist tröllatrú á þessari tækni og telur hana jafnvel notaða til að framkalla fellibyli. Vísindamenn hafa þó bent á að skýjasáning geti í vissum tilvikum framkallað smá staðbundna rigningu en dugi engan veginn til að framkalla fellibyl. Greene hélt því meðal annars fram að ríkisstjórn Joe Biden Bandaríkjaforseta hefði skapað fellibylinn Milton með skýjasáningu. Uppskar hún fyrir vikið háð frá forsetanum sem sagði fullyrðingu hennar svo heimskulega að allir sem trúa henni hljóti að þurfa að láta fagaðila skoða á sér hausinn.

„Marjorie Taylor Greene, þingmaður frá Georgíu, er nú að segja að ríkisstjórnin sé bókstaflega að stjórna veðrinu. Við eigum að vera að stýra veðrinu. Þetta er yfirgengilega fáránlegt. Þetta er svo heimskulegt. Hún verður að hætta þessu.“

Hvað varðar eldana í Los Angeles þá er ekki hægt að framkalla rigningu þegar það er heiðskírt, enda felur nafnið í sér að það þurfa að vera ský til staðar. Færsla Greene á sunnudaginn hefur stuðlað að því að veðurfræðingar í Bandaríkjunum hafa óskað eftir því að stjórnmálamenn haldi sig við stjórnmálin og láti fagmönnum eftir að fjalla um veðrið.

Loftlagsvísindamaðurinn Matthew Cappucci sagði þingmanninum: „Marjorie – við getum ekki töfrað fram vatn. Skýjasáning krefst þess að raki sé til staðar, skýjasáning hjálpar þessum raka bara að falla til jarðar. Þegar rakinn í loftinu er um 4% þá ER EKKERT VEÐUR Í ANDRÚMSLOFTINU. Og annað – hvað meinarðu með „þeir“?“

Marjorie — we can’t make water spontaneously appear.

Cloud seeding requires moisture to be present; cloud seeding just helps it fall.

When the relative humidity is like 4%, you 👏 DON’T 👏 HAVE 👏 ANY 👏 WATER 👏 IN 👏 THE 👏 ATMOSPHERE.

Also — who is “They”? https://t.co/7029uY3Zox pic.twitter.com/u1tD0pDQ7g

— Matthew Cappucci (@MatthewCappucci) January 12, 2025

Fjöldi vísindamanna hefur tjáð sig um málið og reynt að benda á að skýjasáning er ekki raunhæfur möguleiki þar sem engin ský eru til staðar.