Á síðustu tveimur mánuðum hafa átta manns verið myrtir í New England í Bandaríkjunum. Nú síðast fannst kona myrt við hjólastíg og tveir karlmenn í skóglendi.

Það var á þriðjudaginn sem lík konu fannst við hjólastíg í Springfield í Massachussetts. Lögreglan hefur ekki skýrt frá hver hún eða hver dánarorsök hennar var.

Daginn eftir, fundust tveir menn látnir í skólglendi í Salem í Massachusetts, ekki fjarri verslun Walmart. Dánarorsök þeirra liggur ekki fyrir að sögn The Independent.

Á samfélagsmiðlum hefur fólk velt fyrir sér hvort þessi mál tengist öðru morðum sem hafa verið framin í Massachusett, Connecticut og Rhode Island, sem eru oft nefnd New England, á síðustu tveimur mánuðum.

Hefur lögreglan verið gagnrýnd fyrir að stefna almenningi í hættu með því að skýra ekki frá nægilega miklu varðandi málin.

Talsmaður Connecticut State Police sagði The Independent að rannsókn standi yfir á málunum og að á þessu stigi bendi ekkert til að einhver tengsl séu á milli málanna.

Aðeins er búið að bera kennsl á þrjá af þeim átta hafa verið myrtir síðustu tvo mánuði á svæðinu.