Á næstunni er gert ráð fyrir því að Donald Trump, Bandaríkjaforseti, muni svipta hulunni af skjölum sem varða hið goðsagnarkennda svæði Area 51 í Nevada-eyðimörkinni. Samsæriskenningasmiðir hafa lengi vel haldið framað þar sé að finna vísbendingar um heimsóknir geimvera til jarðarinnar sem bandaríski herinn og því er talsverð eftirvænting í þeim hópi varðandi yfirvofandi afhjúpun.
Ein helsta frásögnin sem ýtt hefur undir samsæriskenningarnar er heimsókn mannfræðings frá Kaliforníu til svæðisins árið 1996. Jerry Freeman var ekki í leit að geimverum þegar hann átti þarna leið um á sínum tíma, hann var að fylgja slóð landnema frá árinu 1849 sem voru á leið vestur í leit að gulli.
Umræddir landnemar höfðu skilið eftir sig týnda slóð áletranna þar sem þeir freistuðu þess að stytta sér leið yfir Nevada-eyðimörkina. Leiðangurinn endaði þó með því að allir leiðangursmenn létu lífið og vildi Freeman freista þess að rannsaka slóð þessara ævintýramanna í leit að nýjum upplýsingum en til halds og trausts hafði hann undir höndum dagbækur leiðangursmanna sem var það eina sem þeir létu eftir sig.
Leið Freeman lá hins vegar um hið forboðna Area 51-svæði en þá hafði bandaríski herinn þegar sett hömlur um umgang á svæðinu. Hann hafði óskað eftir sérstöku leyfi til að fara inn á það vegna rannsókna sinna en því hafði herinn hafnað formlega. Freeman lét það hins vegar ekki stöðva sig og fór framhjá öryggiseftirlitinu með því að ferðast um svæðið að næturlagi.
Um var að ræða vikulanga ferð og eina nóttina fullyrti Freeman síðar að hann hefði séð ótrúlega sjón nærri Papoose-vatni, uppþorrnuðu vatnsstæði sem margir samsæriskenningasmiðir telja að hýsi í raun leynilegt geimskipaskýli sem kallað er S-4.
Hins vegar lá þessi leið Freeman í gegnum hluta af Nevada sem bandaríski flugherinn hafði sett hömlur á, sem neyddi hann til að ferðast að næturlagi til að forðast öryggiseftirlitið.
Í viðtali við blaðamanninn George Knapp, sem er sérstakur áhugamaður um allt sem tengist fljúgandi furðuhlutum, sagði Freeman að hann hefði skyndilega séð dyr opnast í miðju loftinu nærri vatnastæðinu og bjart bláleitt ljós hefði blindað honum sýn. Dyrnar lokuðust hins vegar eins snöggt og þær opnuðust og hurfu alveg inn í eyðimerkurlandslagið.
„Mér sýndist þetta vera þurrt vatnsstæði, ekkert annað, en að nóttu til var það allt önnur saga. Ég gat greinilega séð öryggisljós á jöðrunum og ég sá ljós sem opnuðust og lokuðust nálægt miðju vatnsins,“ sagði Freeman í viðtalinu.
Freeman greindi einnig frá því að hann hefði fundið fyrir titringi líkum jarðskjálfta á meðan hann horfði á þessa undarlegu atburðarás sem hefði líklega staðið yfir í um tvær mínútur.
„Þeir eru annaðhvort að prófa eitthvað beint neðanjarðar eða ég var að finna titring alla leið frá Groom-vatni, ég veit það ekki,“ sagði Freeman við Knapp sem tekið var upp skömmu áður en mannfræðingurinn lést árið 2001.
„Ég held að ef þeir hefðu náð mér þarna inni hefðu þeir kveikt í mér eins og flugeldi,“ sagði hann svo í kjölfarið.
Bandarísk stjórnvöld viðurkenndu ekki fyrr en árið 2013 að herstöðin á hinu leynilega Area 51 væri raunverulega til. Fram að því hafði verið talað um staðinn sem „Groom-vatn“ – sem er einmitt það sem Freeman vísaði í.
Um það leyti sem Freeman fór í sinn ólöglega leiðangur var Area 51 á hvers manns vörum og var það ekki síst manni að nafni Bob Lazar að þakka. Lazar, sem er í miklu uppáhaldi hjá mörgum samsæriskenningasmiðum, hélt því fram að hann væri fyrrverandi eðlisfræðingur á vegum stjórnvalda sem starfaði á S-4 við að taka í sundur geimskip geimvera og reyna að læra af tækni utan úr geimnum.
Lazar fór að halda því fram árið 1989 að bandaríski herinn væri ekki aðeins að endurheimta fljúgandi furðuhluti heldur einnig að búa til sín eigin loftför með því að nota þessa breyttu geimverutækni. Hann var duglegur að koma fram í sjónvarpi og afhjúpa tilvist Svæðis 51 og leynileg verkefni stjórnvalda sem áttu sér stað í eyðimörkinni í mörg ár, þar á meðal í nokkrum viðtölum við áðurnefndan Knapp.
Síðan Lazar og Freeman stigu fram með sögur sínar hefur Svæði 51 haldið áfram að kveikja villtar samsæriskenningar tengdar geimverum og fljúgandi furðuhlutum. Hvort að afhjúpun leyniskjalanna muni slá á þessar sögusagnir eða gefa þeim undir fótinn verður tíminn að leiða í ljós.
