Vorið er góður tími fyrir illgresið og síður góður tími fyrir þá sem þurfa að skríða um garðinn sinn til að fjarlægja það. Margir grípa til þess ráðs að nota illgresiseyða en það er til önnur lausn sem byggist á náttúrulegu efni.

Ryan Anderson, sérfræðingur hjá Midwest Grows Green, sagði í samtali við Express að maísmjöl sé mjög gott þegar kemur að því að berjast við illgresi.

Leyndardómurinn að baki getu maísmjöls til að takast á við illgresi er maísglútenið. Þetta er aukaafurð sem fellur til við vinnslu maís. Glútenið heldur aftur af rótarmyndum jurta þegar þær eru á fræ stiginu. Þetta gerir að verkum illgresi, sem vex upp úr litlum fræjum, getur ekki skotið rótum.

Maísmjöl gerir einnig meira en að berjast gegn illgresi, því það inniheldur mikið af köfnunarefni sem kemur sér vel fyrir grasið.

En til að maísmjög virki sem best þá þarf að dreifa því á rétta tímapunktinum. Ef illgresið hefur náð að spíra áður en því er dreift, þá virkar það sem næring fyrir illgresið og þar með verður vandinn meiri. Anderson ráðleggur fólki því að dreifa maísmjölinu í byrjun apríl, þegar jarðvegur er um 10 gráðu heitur.

Þegar búið er að dreifa mjölinu á að vökva garðinn aðeins. Það er gert til að mjölið sígi niður í jarðveginn.