Ítalska lögreglan handtók í síðustu viku 22 ára mann, sem er að sögn mikill aðdáandi sjónvarpsþáttanna „Breaking Bad“. Hann virðist hafa tekið þættina sér til mikillar fyrirmyndar því hann var handtekinn fyrir framleiðslu á metamfetamíni.

The Independent segir að samkvæmt upplýsingum frá lögreglunni, þá hafi hún stöðvað starfsemi einnar stærstu metamfetamínverksmiðju sem fundist hefur í landinu og handtekið 22 ára háskólanema.

Þættirnir „Breaking Bad“ fjalla um efnafræðikennara í menntaskóla sem notar þekkingu sína til að framleiða og selja metamfetamín.

Maðurinn á allt að 20 ára fangelsi yfir höfði sér fyrir fíkniefnaframleiðslu.