AP greinir frá því að Shamar, sem er 25 ára, hafi verið dæmdur í 60 ára fangelsi fyrir morð, 35 ára fangelsi fyrir morðtilraun og 10 ára fangelsi fyrir hættulega líkamsárás. Dómana þarf hann að sitja af sér hver af fætur öðrum sem þýðir að hún mun líklega aldrei geta um frjálst höfuð strokið.
Sá sem lést í árásinni hét Simmie Poetsema og var 26 ára hermaður frá Hollandi sem var við æfingar í herbúðum í suðurhluta Indiana. Félagar hans, sem einnig voru hermenn, særðust einnig í árásinni.
Hermennirnir höfðu verið að skemmta sér í miðborg Indianapolis og á leið aftur á hótelið sitt þegar þeir lentu í útistöðum við Shamar og félaga hans. Eftir stutt slagsmál mun Shamar hafa tekið upp byssu og skotið hermennina þrjá.
