Í þessari rannsókn hefur rúmlega 700 manns, alls staðar að úr heiminum, verið fylgt eftir og gagna aflað um heilsufar fólksins, félagsleg samskipti þess og lífsgæði.
Niðurstöður rannsóknarinnar sýna að hamingja er nátengd félagslegum samskiptum og stuðningi. Þetta fellur vel að niðurstöður World Happiness Report en þar er bent á þætti eins og tekjur, heilbrigði, frelsi, örlæti og það að vera laus við spillingu sem mikilvæga þætti þegar kemur að því að lifa hamingjusömu lífi.
Ein af mikilvægustu niðurstöðunum í Harvard-rannsókninni er að þau störf, sem gera fólk óánægðast, eru þau störf þar sem fólk finnur fyrir einangrun og takmörkuðum samskiptum við annað fólk. Fólk í þessum störfum hefur ekki tækifæri til að mynda þýðingarmikil sambönd sem geta ýtt undir lífsgleðina.
Meðal þeirra starfa sem tengjast oftast einmanaleika og óánægju eru:
Sendlastörf þar sem fólk er eitt að störfum við dreifingu pósts eða pakka.
Vaktavinna sem getur truflað félagslíf og samskipti við annað fólk.
Störf í öryggisgeiranum eða við akstur sem flutningabílstjóri því þessi störf krefjast þess að fólk sé lengi fjarri öðru fólki.
En það er ekki bara hamingjan sem þjáist þegar fólk vinnur einmanaleg störf, það getur líka haft áhrif á heilsufarið. Dr. Robert Waldinger, sem stýrir Harvard-rannsókninni, segir að einmanaleiki geti haft jafn skaðleg áhrif á heilsufarið og reykingar, ofþyngd og hreyfingarleysi, sérstaklega þegar fólk eldist.
