Ol Doinyo Lengai eldfjallið í Tansaníu er eins og stendur eina eldfjallið á jörðinni sem spúir karbónati hrauni úr sér. Það er því mjög sérstakt. Þessi hrauntegund rennur mjög hratt og verður hvít þegar hún storknar.

Eldfjallið hefur verið að sökkva niður í jörðina síðustu tíu árin að því er segir í nýrri rannsókn. Hefur það sigið um 3,5 cm á ári. Ástæðan gæti verið að minni kvika sé í kvikuhólfinu beint undir öðrum gíg eldfjallsins.

Eldfjallið er 2.962 metrar á hæð og er á virku sprungusvæði að því er segir í nýrri rannsókn sem hefur verið birt í vísindaritinu Geophysical Research Letters.

Live Science segir að vísindamennirnir hafi notað tvö gervihnattarkerfi til að búa til kort af breytingum á jörðinni við eldfjallið. Kortin benda til að hringur um nyrðri gíginn sé að „færast frá því á jöfnum hraða“.