Fyrir margar konur með stór brjóst eru það ekki bara bakverkir, dýrir brjóstahaldarar og óumbeðin athygli frá ókunnugum sem plagar þær. Samkvæmt niðurstöðum nýrrar rannsóknar Texas A&M International University þá upplifa konurnar meiri árásargirni af hálfu annarra kvenna en þær konur sem eru með lítil brjóst.

Höfundar rannsóknarinnar segja að ástæðan sé hugsanlega sú að konur með stór brjóst séu álitnar keppinautar. The Sun skýrir frá þessu.

Vísindamennirnir, undir forystu Ray Garza, telja að mikill áhugi karla á brjóstastærð kvenna, geri að verkum að konur séu mjög meðvitaðar um þennan hátt. „Líkamleg einkenni, sem hitt kynið sækist eftir, geta kynt undir samkeppni einstaklinga af sama kyni þegar kemur að því að komast í kynni við hugsanlega maka,“ segja vísindamennirnir.

Markmið rannsóknarinnar var að rannsaka hvort lögun brjósta og stærð hafi áhrif á orðræðu annarra kvenna, kvenna með stór brjóst. Rannsóknin hefur verið birt í vísindaritinu Sexes.

Garza segir að konur hafi haft meiri tilhneigingu til að gera lítið úr konum með stór brjóst, sérstaklega C- og D-skálar, miðað við konur með minni brjóst.