En það er að sögn til einfalt ráð til að drepa það og það varanlega. Allt sem þarf er efni sem er líklega til á flestum heimilum?
Þetta hljómar eiginlega of vel til að geta verið satt en Jessica Nakamura segir á Instagramsíðu sinni, @thatmamarealtor, að þetta svínvirki. Express skýrir frá þessu.
Í myndbandi segir hún að það sem þurfi til sé lyftiduft. Hún sýnir síðan þegar hún stráir lyftidufi yfir svæðið þar sem illgresið vex og síðan notar hún kúst til að dreifa því þannig að það fari ofan í allar rifurnar. Því næst þarf að hella vatni yfir svæðið.
„Eftir 24 klukkustundir er illgresið dautt og það er auðvelt að rífa það upp og það vex ekki aftur,“ segir hún.
Lyftiduft inniheldur mikið salt en það gerir að verkum að illgresið þornar upp og nær ekki að vaxa á nýjan leik.
Saltið getur einnig haft neikvæð áhrif á annan gróður en Nakamura segir að það sé hægt að leysa það með því að hella vatni yfir svæðið eða treysta á góða rigningu.
Fyrir þá sem hafa efasemdir um aðferðina, þá birti hún myndbandi mánuði síðar og sýndi að enn sé ekkert illgresi komið upp og grasið sé enn grænt.